Anëtari i Vetëvendosjes Hysen Durmishi ka thumbuar nënkryetarin e OVL të UÇK-së, Nasim Haradinajn pasi i njëjti para disa ditësh pas hyrjes së ushtrisë serbe në Kamenicë, kishte akuzuar banorët që nuk kishin ndërmarrë asnjë veprim kundër ushtrisë serbe megjithëse kishin parë ata brenda territorit të Republikës së Kosovës.
Durmishi e pyet Nasimin pse ai vetë nuk ndërmori asnjë veprim pasi presidenti serb Vuçiq ndërpreu punimet e rrugës Deçan-Plavë, shkruan Reporteri.net.
Postimi i tij:
Nasim Haradinaj me një emision para disa ditëve i akuzonte banorët e Kamenicës që lejuan hyrjen e xhandarmërisë së Serbisë në Karaqevë.
Ai tha le të provojnë e të vijnë në Deçan ata. E Vuçiqi iu kundërpërgjigj menjëherë. I ndërpreu punimet e rrugës Deçan – Plavë mu në Deçan.
Tash një qytetarë i Kamenicës do të pyeste: ku është ky Nasimi tash bashkë me atë kushëririn e tij të sporteve të rënda?
Natyrisht që nuk pajtohem me këtë logjikë unë. Shteti, pra institucionet duhet të veprojnë në të dy rastet në të kundërten e asaj se si kanë vepruar.
