Liderja e boshnjakëve të Kosovës, Duda Balje ka thënë se janë për qeveri të re.
Ajo ka thënë se mospajtimet mes partive duhet të ndalen dhe të përfundojnë me zgjidhje.
“Dëshirojmë të jemi pjesë e qeverisë së Kosovës që prioritetet e komunitetit tonë të realizohen. Politika kosovare është në turbulenca të mëdha, andaj duhet ulur tensionet politike sepse populli është i frikësuar!”
Kosova.info: Zonja Balja, jemi në prag të një momentumi të ri politik. Sipas të gjitha gjasave brenda dy tri dite presidenti i Kosovës do të jep mandatin LDK-së për formimin e qeverisë së Kosovës. Cili do të jetë qëndrimi i partisë tuaj për formimin e qeverisë?
Duda Balje: E tërë kjo zhurmë politike e cila ndodhi gjatë kohëve të fundit duhet të përfundojë me formimin e qeveris së re. Mospajtimet e mëdha e partive të mëdha politike është e nevojshme të ulen dhe të iniciojmë në zgjidhjen e problemeve të cilat i kemi.
Kosova.info: Ju jeni deputetja më e votuar tek komuniteti boshnjak, cili është qëndrimi i komunitetit tuaj rreth çështjeve aktuale politike në Kosovë?
Duda Balje: Boshnjakët e Kosovës sikurse edhe të gjithë kosovarët po përjetojnë presion të madh të jo stabilitetit për shkaqe të turbulencave politike të cilat kanë ndodhur, kurse nëse kësaj i shtojmë edhe friken nga virusi i cili po shtrihet gjerësisht mendoje se të gjithë janë te shqetësuar dhe të frikësuar.
Kosova.info: Ju tash jeni ne mandatin e katërt në kuvendin e Kosovës. Sa jeni e kënaqur me qasjen e shumicës shqiptare ne kuvend ndaj komunitetit që ju e përfaqësoni?
Duda Balje: Marrëdhëniet e deputetëve me deputet në Kuvend është i qartë, vota për votë. Marrëdhënia e të fuqishmit ndaj të voglit dhe më pak të fuqishmit është çështje e sjelljes kulturore. Deri tani nuk kemi patur probleme të mëdha sepse ne kuvendin e Kosovës jemi votë që shumë shpesh vendos. Në sferën e veprimeve politike kemi marrëdhënie të mira.
Kosova.info: Si lidere e Unionit Social Demokratik si e shihni politiken aktuale të Kosovës?
Duda Balje: Politiken dhe situatën politike gjithherë e definojmë në përputhje me mendimi e qytetarëve të Kosovës. Në këto momente shenjat janë të pakënaqësisë, frikës dhe pritjeve qytetare. Politika jostabile ne kombinim me virusin e rrezikshëm kanë shkaktuar frikë, hidhërim, andaj janë të nevojshme sa më shpejtë hapa serioz politikë të cilët do të nxjerrin nga kjo situatë.
Kosova.info: A konsideroni që aktivitetet e tuaja politike po gjejnë përkrahje në qeveritë e Kosovës?
Duda Balje: Aktivitetet dhe kërkesat e partisë time përballë qeveris deri tani kanë qenë rel dhe të bazuara ne kërkesat prioritare të komunitetit të cilin e përfaqësoj. Është e rëndësishme të jemi pjesë e qeveris dhe që qeveria të tregoj interesim për veprim të përbashkët me qëllim të zgjidhjes së problemeve tona. Të jem e sinqertë pres reagim të tille.
