Xhevdet Shoshi, pronar dhe drejtor i Spitalit Special të Terapisë Fizikale dhe Rehabilitimit “ONIX” SPA. L.L.C në Banjë të Pejës ka larguar nga puna 12 fizioterapeutë.
Këtë vendim ai e ka marrë dje, pas një pakënaqësie që fizioterapeutët kanë shfaqur për pagat e tyre.
Telegramisot.com, ka mësuar se, para tri ditësh stafi i fizioterapeutëve i kanë drejtuar atij një kërkesë ku kanë shprehur pakënaqësitë lidhur me kuotën e lartësisë se përcaktuar të pagës vetëm prej 2.50 E/h, me rastin e marrjes se vazhdimit të kontratave të punës në muajin shkurt të këtij viti, e cila paguhet për normën e plotë të orarit të punës, e të cilën lartësi e kanë konsideruar të ulët, jo reale dhe joproporcionale në raport me punën dhe angazhimin fizik dhe profesional.
Ata kanë kërkuar që kuota e pagesës të rritet nga 2.50 E/h në 3.50 E/h.
Po ashtu, ata kanë shprehur edhe disa kërkesa të tjera.
Telegeamisot.com, ka mësuar se para dy ditësh, drejtori Shoshi ka vendosur të mbajë një mbledhje, por që më pas ka refuzuar kërkesat e tyre.
Në shenjë pakënaqësie ata gjatë ditës se djeshme kanë hyrë në një grevë, duke e bojkotuar punën. Por, disa nga mjekët janë tërhequr nga greva.
I gjendur në këtë situatë, drejtori ka vendosur që pa asnjë arsyetim, në kundërshtim me kontratën e tyre të punës t’i largojë menjëherë 12 prej tyre nga puna.
Më poshtë mund të shihni kërkesën e mjekëve që ia kishin drejtuar drejtorit Shoshi, të cilen e ka siguruar Telegramisot.com
