Kryeministri i Albin Kurti dhe ministri i Shëndetësisë, Arben Vitia do të marrin pjesë në ceremoninë e pranimit të kontingjentit të parë të vaksinave kundër COVID-19.
Ky kontingjent është mundësuar nga organizata UNICEF, nëpërmjet programit COVAX.
Bëhet fjalë për vaksinat e kompanisë farmaceutike AstraZeneca që shpërndahen nga programi COVAX.
Ceremonia e pranimit të vaksinave mbahet në pistën e Aeroportit Ndërkombëtar të Prishtinës “Adem Jashari”, me fillim nga ora 20:15.
“20:15 – Fillimi i ceremonisë dhe 20:20 – Fjalimet (kryeministri, ministri i Shëndetësisë, përfaqësuesi i Zyrës së BE-së, ambasadorët e QUINT-it, përfaqësuesi i UNKT-së)”, thuhet në agjendën e Zyrës së Kryeministrit.
Ndërsa, duhet theksuar se Kosova është vendi i vetëm në Europë që deri tash nuk ka pasur vaksina, rrjedhimisht qytetarët kosovarë nuk janë vaksinuar.
