Një zyrtar policor në Qendrën Kombëtare për Menaxhimin e Kufijve, është kërcënuar rëndë nga një qytetar ditën e mërkure
Qytetari nëpërmjet telefonit ka kërcënuar se do t’i vë flakën pikës kufitare “Dheu i Bardhë” dhe do t’i vrasë një nga një
Lajmin për Reporteri.net e ka dhënë një burim brenda Policisë kufitare.
Ngjarja sipas tij ka ndodhur të mërkurë rreth orës 21:00 kur një qytetar ka telefonuar në QKMK dhe ka kërkuar të lidhet më pikën “Dheu i Bardhë”. Kur nga zyrtari policor i është thënë se nuk mund ta lidhin, ai ka filluar të shajë dhe kërcënojë.
“ Qytetari i nervozuar ka filluar të bërtasë e kërcënojë me fjalët se ‘Do të ja vë flakën kufirit PKK Dheu i Bardhë’, ‘Do i vras një nga një” ,’Ju nuk më njihni mua’, ‘Nuk ja fali kurrë’, si sharje të tjera”, ka thënë ky burim.
Reporteri.net mëson se lidhur me rastin është njoftuar prokurori kujdestar i cili ka iniciuar rastin “Kanosje”
Ditëve të fundit janë shtuar shumë sulmet ndaj zyrtarëve policor.
Policia e Kosovës para disa ditësh u sulmua në Ferizaj nga qytetarë që refuzonin ta vendosnin maskën.
Policia ka sqaruar se gjithçka filloi në momentin kur qytetarët janë ndaluar dhe kanë refuzuar që t’ia dorëzojnë letërnjoftimet njësiteve policore. E ndalja e tyre u bë për shkak se qytetarët nuk ishin duke i zbatuar masat parandaluese kundër pandemisë që ka shkaktuar Covid-19.
Megjithatë, policët kanë arritur ta vejnë situatën nën kontroll dhe e kanë zmbrapsur sulmin.
Dy qytetarët janë arrestuar dhe janë dërguar në stacionin policor.
Po ashtu javë të fundit janë sulmuar Policia e Kosovës edhe në Pejë, Fushë-Kosovë e Gjakovë.
