Një veturë është përfshirë nga flakët mbrëmjen e së premtes në lagjen Bregu i Diellit në Prishtinë.
Ngjarja ka ndodhur rreth orës 22:00.
Në afërsi të veturës shihet se ka edhe vetura të tjera.
Për momentin, nuk dihen shkaqet e zjarrit dhe nuk ka ende ndonjë deklaratë zyrtare nga Policia e Kosovës lidhur me këtë incident.
Ndërkohë Samed Shkodra, komandant i Zjarrfikësve për kryeqytetin, ka thënë për kallxo.com ka treguar se janë në pyetje tri vetura që janë djegur në një parking afër Qendrës Tregtare.
“Janë në pyetje edhe tri vetura, janë dhezë në një parking te Qendra Tregtare, ma saktësisht ku ka banuar ish-presidenti [Hashim Thaçi], aty afër. Tash na nuk guxojmë të japim dyshime se janë organet hetuese që i bëjnë ato vlerësime, po sipas gjitha gjasave, aty dyshohet se prej një veturës janë ndezë edhe dy tjera. Të lënduar nuk ka, këta mundemi me konfirmu edhe zjarri është fikë” – tha Shkodra.
