Një 33-vjeçar vdiq në Kroaci, 12 ditë pasi ishte vaksinuar me AstraZeneca, prandaj Agjencia Kroate e Barnave (HALMED) filloi menjëherë një hetim.
Siç zbuloi index.hr, burri është nga Sisaku. Ai vdiq këtë mëngjes në Spitalin Rebro.
Dhjetë ditë pas vaksinimit ndjeu dhimbje barku, rezonanca magnetike tregoi gjakderdhje të brendshme.
Mësohet se burri u vaksinua më 5 mars. Pas vaksinimit, ai kishte ethe, por kjo zgjati dy deri në tre ditë. Megjithëse dukej se ishte gjithçka në rregull, dhjetë ditë më vonë kishte dhimbje barku.
Ai u shtrua në spital në KBC Rebro ku bëri një rezonancë magnetike. Sipas informacioneve të para, ai kishte gjakderdhje në gjëndrën mbiveshkore.
Është e paqartë nëse vaksinimi ka ndonjë lidhje me ndërlikimet që i ndodhën burrit dhjetë ditë pas vaksinimit dhe për shkak të të cilave ai vdiq në ditën e 12-të pas vaksinimit, por kjo pistë nuk është përjashtuar deri më tani.
Ekziston gjithashtu frikë se kjo çështje mund të jetë e ngjashme me disa nga rastet e raportuara në Evropë.
Ndryshe, javë më parë edhe një e moshuar 91-vjeçare ka ndërruar jetë pasi ishte vaksinuar me AstaZeneca
