Atmosfera e entuziazmit dhe e përkrahjes për Partinë Demokratike të Kosovës u dëshmua edhe në Hanin e Elezit, ku qytetarët u bashkuan për të mbështetur kandidatin për kryeministër, Bedri Hamza. Kandidati për deputet Elmi Reçica theksoi rëndësinë e këtij tubimi, duke e cilësuar si një dëshmi të qartë të nevojës për ndryshim dhe për një Kosovë me një vizion të ri.
“Kryeministri në ardhje, z. Bedri Hamza, u mirëprit me entuziazëm në këtë komunë, e cila nën udhëheqjen e kryetarit të suksesshëm Mehmet Ballazhi, po dëshmon mbështetjen e saj të palëkundur për një të ardhme më të mirë. Ky entuziazëm i qytetarëve është tregues i qartë se PDK-ja mbetet forca kryesore e ndryshimit në vend,” u shpreh Reçica.
Bedri Hamza, i cili u prit me brohoritje dhe përkrahje masive nga të pranishmit, theksoi se prioritetet e tij si kryeministër do të jenë zhvillimi ekonomik, hapja e vendeve të reja të punës dhe ndërtimi i një të ardhmeje që u ofron mundësi të barabarta të gjithë qytetarëve.
“Han i Elezit është simbol i përkushtimit dhe i punës së palodhshme. Bashkë do ta ndërtojmë një Kosovë më të fuqishme, më të drejtë dhe më të begatë,” tha Hamza.
Pjesëmarrja masive dhe entuziazmi i qytetarëve të Hanit të Elezit dëshmojnë se vizioni transformues i PDK-së po gjen mbështetje të gjerë në të gjitha komunat e Kosovës.
#PDK131
#MaMirë
#BedriHamzaKryeministër
