Resht për një, deputetët e VV’së dhe të Listës Serbe i falen 11 milionë euro për rrym në veri: Murati ia hedh fajin PDK’së dhe LDK’së
Ministri i Financave dhe Transfereve, Hekuran Murati, ia ka hedhur fajin opozitës për ndarjen e 11 milionë eurove për serbet e veriut, ndërsa ishin vetë deputetët e VV’së që sëbashku me Listën Serbe, që e quan dorën për faljen e 11 milionëve për rrymën e serbëve të Veriut, shkruan Gazeta Metro.
Me 61 vota për, deputetët e LVV’së së bashku me ata të Listës Serbe i kanë miratuar rekomandimet e Komisionit për Ekonomi, Industri, Ndërmarrësi dhe Tregti lidhur me propozimin që Operatori i Sistemit, Transmisionit dhe Tregut të energjisë elektrike të Kosovës (KOSTT) të marrë përgjegjësinë për pagesën e rrymës për serbët në katër komunat veriore.
Ai duke u arsyetuar për këtë vendim, ka hedhur fajin tek LDK dhe PDK, duke thënë se ata që po kundërshtojnë këtë vendim të sotëm të Kuvendit, për tua paguar rrymën e shpenzuar serbëve në veri, e kishin ngarkuar të njëjtën në faturat e qytetarëve kosovarë.
“Pra, pikërisht ata që për 20 vite me radhë barrën e rrymës së shpenzuar në veri, fillimisht e ngarkuan në faturat e qytetarëve, e pastaj në licencën e ndërmarrjes publike KOSTT, sot shfaqen të brengosur për qytetarin dhe KOSTT-in”, tha Murati.
Ai tutje ka thënë se këtë problem do ta zgjidhin por se fillimisht, duhet një bord i ri i ZRRE-së.
“Këtë problem, si shumë probleme tjera që na i kanë lënë do ta zgjidhim, por problemet e lidhura nyje për 20 vite nuk zgjidhen për një muaj.
Hapi i parë drejt zgjidhjes së ketij problemi do të jetë përzgjedhja e një bordi të ri të ZRRE-së me anëtarë me integritet, dhe që e duan shtetin”, ka shkruar ai
