Situata e sigurisë dhe ajo politike vazhdon të jetë e tensionuar në veri të Kosovës, respektivisht në pikat kufitare 1 dhe 31.
Kjo situatë është bërë edhe më nderë dy ditët e fundit pasi që Serbia dhe presidenti fqinj, Aleksandar Vuçiq ka kërcënuar me ultimatum prej 48 orësh.
Kjo shpallje ultimative përforcohet edhe më shumë duke pas parasysh se trupat ushtarake serbe dhe ato të xhandarmërisë janë pozicionuar afër kufirit tonë në veri.
Edhe fluturakët ushtarake serbe të prodhimit rus kanë provokuar dy ditë rresht. Lidhur me këto vringëllima armësh nga Serbia, Ballkani.info ka kërkuar një qëndrim të njërit nga komandantët më të zot të UÇK-së, Daut Haradinaj.
Haradinaj i cili është edhe njëri nga pretendetët kryesor në garën për Kryetar të Prishtinës, ka thënë se Kosova është e motivuar për t’i bërë ballë cilitdo agresorë dhe nga kushdo qoftë kërcënimi.
“Jemi shumë më të fortë dhe më të fuqishëm, por edhe të motivuar që t’ia tregojmë vendin çdo agresori që e cenon uniformën apo territorin tonë”, ka thënë Daut Haradinaj.
Ai ka shtuar se Kosova dëshiron paqe më fqinjtë, përfshirë edhe Serbinë, por se kur bëhet fjalë për provokime dhe kërcënime të tilla, secili duhet ta kuptoj një herë e mirë se Kosova ka zot shtëpie.
