Dy kandidatët për deputetë nga Aleanca për Ardhmërinë e Kosovës, Daut Haradinaj dhe Engjëll Koliqi, kanë kritikuar Qeverinë Kurti në një tubim në Stubëll të Vitisë.
“Stublla e Vitisë po jep shpresë për ndryshimin e madh që po ndodh. Kjo pritje dhe ky entuziazëm garantojnë një fitore bindëse për Kosovën dhe Vitinë në veçanti, këtë qytet që e përshkon afër autostrada e nuk ka qasje është një turp i madh! Jam munduar dhe ishte pothuajse e kryer qasja në autostradë në vitin 2020, por ndryshimi mashtrues i qeverisë Kurti e hodhi në kosh të plehrave këtë projekt, që e kishte nisur deputeti Salihu nga kjo zonë.”, u shpreh Haradinaj.
Ndërkohë Koliqi, që garon me numër 103, u premtoi qytetarëve se ai do të jetë një zë i fuqishëm i çdo qytetari të Vitisë dhe Anamoravës në Kuvend.
“Edhe Vitia, e lodhur nga demagogjitë e Kurtit, shihet se do të marrë drejtim të ri rreth Kosovës Fituese. Krenar me ju, vitijas!”.
