Ndonëse një periudhë kohore ishte mbështetës i madh i Kurtit, aktori Çun Lajçi kësaj radhe është treguar i ashpër me kryeministrin e vendit.
Përmes një shkrimi në Facebook, Lajçi ka shkruar se populli dëshiron vepra, e jo vetëm fjalë.
Tutje ai i është drejtuar Kurtit duke i thënë se nuk është “baba Sheh”, e nuk jetohet me ëndrrat e 14 shkurtit.
Postimi i plotë:
Nuk je baba sheh!
Po e prejmë me gërshanë. S’po e presim as hoxhen as priftin. Fjalime si unë s’din me mbajtë as kadia, por as ju që thastë i keni mbushë me budallaki!
Boll e keni tjerrë leshin tuej e lamsha keni pshtjellë si keni dashtë.
Kam heshtë për aç sa m’ka lejua heshtja e dashnia që kam për juve!
Tani po e ve n’furkën time shllungën e fajeve tueja e po tjerri pa iu pyet, se pa iu pyet edhe iu votova!
‘Gjurullti’ e keni ba për pak muej. Zgjohuni sa s’jemi zgjua ne që iu besuem, se nuk jetohet me kore buke.
Ku e keni arsimin? Ku e keni mjeksinë e policinë? S’po iu pyes për kulturën. Për shëndetin e popullit po iu pyes!
Ku e keni diplomacinë? Si lehen ambasadat mbyllë?
A jeni qorrua apo jeni çmendë vetknaqësie?
S’mjafton veç me folë!
Vepra don ky popull i dergjaft që vdes çdo ditë!
Nuk mbahet shteti veç me t’falune. Ju çka po bani për shtetin, ju?
A e dini se shendetsinë e keni lanë n’mjerim! A e dini se spitalet janë ba tmerri i t’shëndoshit e varri i t’smutit!
Boll ma edhe ti Albin me shukatje e hukatje, se s’je baba sheh! Lëviz se nuk jetohet me andrrat e nji 14 shkurti!
