Mbështetja financiare nga donacionet e grumbulluara nga sot përmes Kryqit të Kuq do të paguhet për familjet e viktimave dhe të lënduarve nga zjarri në Koçan të Maqedonisë së Veriut, në vlerë prej 150.000 denarë. Përmes Kryqit të Kuq deri më 22 mars janë mbledhur 51.822.579 denarë, i cili sot do të njoftojë për aktivitetet e ndërmarra dhe mënyrën e pagesës.
Sipas të dhënave të fundit nga Ministria e Shëndetësisë, nga rreth 200 të lënduar në tragjedinë e një jave më parë, pesë nga 115 persona që po marrin trajtim jashtë vendit janë në gjendje kritike për jetën. Në spitalet e Maqedonisë të 55 pacientët janë në gjendje stabile, ndërsa nëntë janë planifikuar të dalin nga spitali në fillim të kësaj jave, pasi të jenë kryer të gjitha analizat toksikologjike dhe psikologjike.
Priten informacione nga ecuria e mëtejshme e hetimeve, në të cilat aktualisht dyshohen 34 persona, si dhe nga inspektimet e paralajmëruara në objektet publike në të gjithë vendin, për të cilat komunat do të koordinohen përmes Bashkësisë së Njësive të Vetëqeverisjes Lokale.
Nga 17 personat e lënduar nga zjarri në Koçan të cilët po trajtohen në Qendrën Emergjente të Qendrës Klinike Universitare të Serbisë në Beograd, dy janë në ventilim mekanik, ndërsa dy i janë nënshtruar operacioneve. Siç njoftoi Milan Stojiçiq, drejtor i Klinikës për Kirurgji Plastike dhe Rikonstruktive në Kolegjin Universitar të Mjekësisë, pacientët janë në gjendje të mirë.
Në hetimin e zjarrit deri më tani janë përfshirë 27 persona fizikë dhe tre persona juridikë, ndërsa procedura hetimore ka edhe ndaj shtatë zyrtarëve policorë nga SPB Shtip dhe Stacioni Policor i Koçanit, raporton Alsat-M.
Në mesin e 24 personave të cilëve u është caktuar masa e paraburgimit janë edhe tre kryetarët e Komunës së Koçanit, përkatësisht kryetari në largim Ljupço Papazov, si dhe ish-kryetarët Ratko Dimitrovski dhe Nikolço Iliev, si dhe ish-ministri i Ekonomisë Kreshnik Beksteshi.
