Aktori i njohur turk, Tolgahan Sayisman, këto ditë ka vizituar Kosovën dhe Shqipërinë.
I shoqëruar nga bashkëshortja e tij, modelja e njohur shqiptare, Almeda Abazi, aktori i njohur për rolin e tij si “Çënari”, është i dërguar ambasador nderi nga Ministra e Kulturës në Turqi.
Ditë më parë, ai ishte i ftuar special edhe i Ministrit të Kulturës, Rinisë dhe Sportit, në Prishtinë, ku së bashku diskutuan rreth projekteve të përbashkëta mes Ministrisë së Kulturës në Kosovë, dhe asaj në Turqi.
Tolgahan Sayisman dhe Almeda Abazi në Ministrinë e Kulturës në Prishtinë (Foto: Telegrafi)
E përgjatë gjithë këtyre ditëve qëndrimi në trevat shqiptare, Sayisman duket se është ndjerë mirë nga energjia që i kanë dhuruar njerëzit këtu.
Në një shkrim të publikuar në rrjetin social Instagram, shoqëruar me një fotografi nga takimi me Kujtim Gashin, aktori shkruan në shqip falënderime për fansat e saj shqiptarë.
“Komb historine e te cilit e kam degjuar qe ne femijeri nga gjyshja ime e ndjere, me pas per fat te mire mu desh te njihem dhe te ndaj jeten me nje vajze te ketij kombi, njerez mikeprites, me gjak te ngrohte dhe te beses.
Faleminderit shqiptare qe u bete pjese e pandare e jetes time, faleminderit qe me mireprisni. Do jem gjithmone i gatshem te jap kontributin tim ne krah jush per te miren e te gjitheve. Perfitoj te falenderoj pafundesisht Ministrin e Kultures Rinise dhe Sporteve ne Kosove Z. Kujtim Gashi dhe te gjithe Kosoven qe me nderuan me Titullin “ Amabasador i kultures” ndermjet dy kombeve”, ka shkruar Tolgahan Sayisman në Instagram.
