Një ngjarje e rëndë ka ndodhur paraditen e së hënës në Lipjan, ku një person dyshohet të ketë sulmuar me sëpatë ish-bashkëshorten.
Nga Prokuroria Themelore e Prishtinës kanë thënë për Gazetën Online Reporteri.net se tashmë i dyshuari për rastin është arrestuar dhe se rasti është cilësuar si “Vrasje e rëndë në tentativë”.
“Lidhur me pyetjen tuaj ju njoftojmë, se po dyshohet se një burrë ka sulmuar bashkëshorten e tij me sëpatë. Ngjarja eshte duke u cilësuar si “Vrasje e rende ne tentative”, sipas nenit 183 të Kodit Penal të Republikes së Kosovës. Pas zhvillimeve hetimore në menyre intensive është arrestuar i dyshuari K.E., rreth ores 12:30 për veprën penale “Vrasje e rëndë në tentativë” në bazë të nenit 183 te KPRK-se”, tha zëdhënësja e kësaj prokurorie, Kaltërina Shala për Reporteri.net.
Nga Policia bën të ditur sot për Reporteri.net se viktima kishte pranuar tretman mjekësor pas lëndimeve të marra dhe se i dyshuari veçse ishte identifikuar dhe ishte në kërkim.
“Sot në stacionin policor të Lipjanit, është iniciuar një rast vrasje në tentativë. Hetuesit policor në koordinim me prokurorinë, kanë nisur veprimet hetimore e procedurale , ndërkohë që personi i lënduar (femër) është dërguar për tretman mjekësor. Lidhur me rastin është identifikuar personi i dyshuar i cili është në kërkim nga ana e policisë”, tha për Reporteri.net zëdhënësja e policisë për rajonin e Prishtinës, Flora Ahmeti.
