Këtë të hënë është hapur zyrtarisht fushata zgjedhore në Komunën e Podujevës për zgjedhjet për kryetar që mbahen më 29 nëntor.
Më të nisur fushata, kandidatët për kryetar të komunës kanë nisur takimet me qytetarë.
Kështu ka vepruar edhe kandidati i Lëvizjes Vetëvendosje, Shpejtim Bulliqi.
Ai bashkë me kreun e partisë, Albin Kurti, kanë qëndruar dje në një konak në llap.
Aty Bulliqi, në një video që e ka publikuar Klankosova.tv, dëgjohet duke mbajtur një fjalim, në të cilin ndër të tjera shprehet: “Naj kujt që punon mbrapsht edhe naj bisht sakice me ja dhanë naj herë bon…”.
“Këto që po i thoni ju ne sigurisht që të gjitha nuk i dimë, i dimë disa që janë makro – më të mëdha, por jo këto individuale. Fatkeqësisht ankesa duhet me ba. Nuk mjafton veç ankesa por duhet edhe veprim”.
“E kur i bëjnë veprimet qytetarët? Kur mbahen zgjedhjet. Naj kujt që punon mbrapsht edhe naj bisht sakice me ja dhanë naj herë bon…”, ka thënë Bulliqi
