Ish-kryesuesja e Bordit të Telekomit Besa Shatri Berisha, ka thënë për “Expose” se vendimi për shkarkimin e tyre nuk ka pasur fare bazë ligjore.
Sipas saj, propozimi për shkarkimin e Bordit të Telekomit nga ministrja e Tregtisë dhe Industrisë Rozeta Hajdari, në mbledhjen e Qeverisë së Kosovës, ka qenë puro politik.
“Realisht ne informatën për shkarkimin e Bordit të Drejtorëve e kemi marrë vesh nga mediat atë ditë në mbledhjen e qeverisë, ne kemi qenë në pritje të një takimi me Ministren Hajdari, për shkak se i kemi dërguar një ftesë për takim, për ti shtjelluar të gjitha problemet që janë në telekom dhe cilat janë prioritetet e telekomit, duke përfshirë edhe punën e Borditë që e ka kryer për dy vite angazhim, sidoqoftë ministrja ka vendosur se ka pasur material të mjaftushëm për të vlerësuar përformancën e Bordit, kanë marrë raportin e auditimit të vitit 2018, për të cilën Bordi ka pasurpunë vetëm 8 muaj dhe kanë vlerësuar përformancën tonë mbi atë raport dhe kanë ardhur me një rekomandim me të cilin kanë thënë se duhet të shkarkohet Bordi i Drejtorëve të Telekomit të Kosovës, duke e përmendur si arsyeje edhe Rezolutën që kishte kaluar në Kuvend dhe që kishte pasur disa pika”, ka thënë ajo.
Berisha vlerësoi se koha në të cilën është shkarkuar Bordi është shumë e ndishme për telekomin.
“Ne e kemi thënë disa herë që për shkak të mos vazhdimit të kontratës me Z Mobile, telekomi gjendet në një proces të dytë të Arbitrazhit, faza në të cilën shkëpuntën komunikimet dhe po ndryshohet vendim-marrja është jetike për telekomin nëse ky arbitrazh në cilin do rast do të humbet përgjegjësia do të bie direkt mbi Rozeta Hajdarin, e cila nuk e ka analizuar mirë gjendjen para se të marrë vendimin”, u shpreh Shatri Berisha.
Ish-kryesuesja e Bordit të Telekomit, cila është bashkëshorte e deputetit të Kuvendit të Kosovës nga radhët e AAK-së Bekë Berisha, konsideron se kjo ka qenë arsyeja për shkarkimin e Bordit, duke eliminuar njerëzit e lidhur me politikën. Por, ajo mohon se do të ndahet nga bashkëshorti i saj që të ketë vend pune në PTK.
“Ministrja është dashur të paktën të pres edhe raportet e auditimit për vitin 2019 që ta ketë një pasqyrë më të qartë të punës së Bordit dhe angazhimit të tij, nuk ka pasur raporte të cilat i kishin sygjeruar se është i domosdoshëm një shkarkim i tillë.
Unë jam plotësisht e bindur që shkarkimi ka qenë puro politik, vetëm për faktin se disa nga të emëruarit kanë pasur lidhje familjare ose shoqërore me persona që janë të lidhur me politik, unë personalisht e kam bashkëshortin që është në AAK. Unë nuk e kam në plan me u nda me bashkëshortin për një pozitë në telekom” ka shtuar ajo.
Në fund ajo paralajmëroi padi për ministren Rozeta Hajdari dhe Qeverinë e Kosovës, rast ky të cilin me bindje u shpreh se do ta fitojë.
“Ne si Bord do të vazhdojmë me padi, pasi që vendimi i ministres Hajdari ka qenë i paligjshëm dhe i pa bazuar si dhe përveç se ka dëmtuar reputacionin tonë dhe imazhin tonë në opinon ka dëmtuar edhe telekomin dhe fushëveprimtarin e tyre dhe jemi plotësisht të bindur se vendimi do të jetë në anën tonë.
Jemi në përfundim të dorëzimit të padisë.
Patjetër që do të kërkojmë dëmshpërblim, baza nuk ka qenë ligjore që të merret ai vendim për shkarkim.
Vendimi ka qenë puro politik, dhe vetëm sa për opinon dhe jo sa për faktet që kanë qenë në tavolinë..
Nuk është asgjë sekrete se telekomi është në buzë të falimentimit dhe nuk e kemi sjellur ne në këtë gjendje, ne e kemi gjetur në atë gjendje, sidoqoftë ne kemi marrë vendimet më të guximshme që janë marrë ndonjëherë në telekom, kemi shkëputur kontratën më të dëmshme e cila ka ndikuar edhe në prishje të shërbimeve dhe në kualitet të konsumatorët, ka ndikuar edhe në rënien e të hyrave, ka ndikuar edhe në vetë imazhin e telekomit. Kemi bërë baza që telekomi të funksionoj në vitin 2020 me një profabilitet shumë më stabil se sa e ka pasur deri më tani”, tha ajo.
