Behxhet Pacolli njihet në publik si një prej biznesmenëve më seriozë dhe më të pasur të Kosovës. Perandoria e tij shtrihet në menaxhimin e vëllezërve dhe kushërinjve, ndërsa publikisht thuhet se Pacollët e kanë ndihmuar Kosovën në shumë aspekte.
Por, nga Evropa vijnë të tjera informata. Duket se Selim Pacolli nuk ka ndër mend t’ia kthejë borxhin një klientit të tyre në biznes. Flitet konkretisht për biznesmenin Halit Sahitaj, i cili është shumë pak apo aspak t njohur në Kosovë për punën e tij, shkruan Parrotlla.net.
Po qysh qëndron konflikti mes Pacollit dhe Sahitajt? Në verën e vitit 2016 Selim Pacolli i ka kërkuar 100 mijë euro huazim Halit Sahitajt. Ky i fundit ia ka dhënë të hollat me kusht që kthimi i tyre të ishte brenda një kohe të shkurtër. Kaloi vera e 2016-ës, kaloi 2017 bashkë me 2018 dhe 2019 e sot jemi në prag të ndërrimit të viteve kur në derë na ka trokitur 2021-ta. Sahitaj thotë që Selimi jo e jo, por as Behxheti nuk është duke menduar t’ia kthejë borxhin. Në fakt, edhe vetë Behxheti ka huazuar miliona nga Halit Sahitaj, e ndoshta këto qindra mijërat e Selimit i duken para të vogla para milionave të veta që duhet t’i kthejë.
Është e habitshme si Pacollët shiten si biznesmena të mëdhenj e altruistë po aq të mëdhenj, ani pse Kosova kurrfarë prove të këtij altruizmi nuk e ka parë. Nga ana tjetër vec Hotelit Swiss Diamond, Kosova e vogël nuk ia ka parë hajrin me ndonjë investim madhor këtyre biznesmenëve ndërkombëtarë. Habia nuk qëndron në atë çka Kosova ia ka parë apo s’ia ka parë hajrin atyre, por si këta njerëz me “peshë ndërkombëtare” nuk arrijnë t’i lajnë disa borxhe të vogla tek biznesmenët shqiptarë nëpër Evropë.
Për të dy borxhlinjtë e tij të këqij, Z. Sahitaj i ka faktet me shkrim dhe ia ka ofruar këto fakte ekskluzive gazetës online Pa Rrotlla, për publikim.
Të njëjtat fakte dhe prova Z. Halit Sahitaj po mendohet t’ua ofrojë edhe Gjykatave përkatëse duke iu ngritur padi të dy vëllezërve Pacolli për mjetet e pakthyera./Parrotlla.net/
Në fotot më poshtë shihet biseda mes Sahitajt dhe Pacollit:
