Bashkimi Evropian, përmes Austrisë, do të dërgojë në Kosovë 95 mijë doza të vaksinës kundër virusit COVID-19 të kompanive “BioNtech-Pfizer”,
Kështu ka bërë të ditur ish-ambasadorja e Kosovës në SHBA, Vlora Çitaku.
“Me ndihmën e Austrisë, BE ka siguruar 651.000 doza vaksinash per vendet e Ballkanit Perendimor. Nga to, 95.000 doza i janë ndarë Kosovës. Kontigjenti i parë i kësaj ndihme pritet të arrijë në muajin Maj”, ka shkruar ajo në Facebook.
Këto doza do të nisin të vijnë në rajon që nga fillimi i muajt maj e deri në muajin gusht.
Ato janë sasi e veçantë e siguruar nga BE-ja dhe nuk përfshihen në sasinë që shtetet e BE-së e kanë siguruar për vete.
