Komuna Jugore e Mitrovicës ka ndarë një truall për ushtrinë e Kosovës për të ndërtuar një bazë ushtarake në vendin e quajtur “Kodra e Cërrnushës”. Ky vend po konsiderohet si pikë strategjike, meqë shihet qartë e gjithë Mitrovica.
Megjithatë nga Serbia një lëvizje të tillë po e konsiderojnë si provokim për të frikësuar serbët që jetojnë në Kosovë.
Kështu ka thënë profesori serb i Fakultetit të Sigurisë në Beograd, Zoran Dragisiç, shkruan telegraf.rs.
“Baza e FSK-së në jug të Mitrovicës vazhdon frikësimin, presionin ndaj serbëve dhe provokimet nga Prishtina”, ka thënë ai.
Ai ka e ka cilësuar si frikësim dhe presion ndaj serbëve të Kosovës ndërtimin e bazës ushtarake në Mitrovicë.
“Unë e perceptoj faktin që baza më e madhe e FSK-së po ndërtohet në Mitrovicë, menjëherë pranë territorit ku jetojnë shumica e serbëve, si një lloj frikësimi dhe presioni ndaj serbëve në Kosovë”, ka shtuar tutje Dragisiç.
