Avokati Kujtim Kerveshi, sot ka kujtuar gjenocidin serb të kryer në Bosnje dhe Hercegovinë. Kerveshi ka nxjerrë në dritë edhe krimet e rënda të kryera në disa fshatra të Pejës, ku autor i këtyre krimeve është i njëjti kriminel serb që ka masakruar boshnjakët në vitin 1995 dhe shqiptarët në vitin 1999.
Ky është postimi i plotë:
Sot, duke e rikujtuar masakrën e Srebrenicës, askush, bash askush, nuk gjeti vend të thonë apo shkruaj se, apo të hulumtoj, dhe të thotë se Nebojša Minić-Mrtvi që kreu së paku masakrat në Lubeniq, Qyshk, Pavlan, Raushiq të Kosovës, ishte njëri nga më brutalët kriminel serb në Srebrenicë.
Minic ishte aktiv në zonën e Tuzlës, Bosne-zyrtarisht!
Minic u kthye në Kosovë pasi kërkohej nga Haga për krime lufte në Bosne.
Ai bëri shkurt një jetë krimineli-transportuesi të drogës deri sa nuk u kap nga autoritetet zyrtare serbe, e në vend se ta dërgonin në Hagë, ata Minicit i dhanë detyrë në njësinë speciale policore. Prej aty, Minic zullumin ndaj shqiptareve të Pejës me rrethinë se ndali deri në masakrën e familjes Bala të Pejës.
Në sy të tij u masakruan 8 mijë boshnjak komandanit Holandez, i dridhej Mlladiçit (video)
Raportet thonë se Minić me vendbabim në lagjen Dardania në Pejë nuk ju kishte dhënë afat boshnjakëve të Srebrenicë të zbresin nga mjetet e transportit, i kishte vrarë pa vonesë!
Ata që njohin ngjarjet e vitit 1999 në fshatrat Lubeniq, Qyshk, Raushiq dhe Pavlan e dinë ose e kanë përjetuar çmendurinë e një krimineli si Minić. Mund ta paramendoni ngjarjen në Srebrenicë.
Serbia, një vend që në themel ka vetëm gjakun e viktimave të pa mbrojtura, sot i ban sehir bashkesisë ndërkombëtare, duke improvizuar disa hetime e disa gjykime të atyre që morën pjesë në krime si këto.
Është po kjo Serbi që mshefi Mladic e Karadic.
Tani, Mladic kalon pleqërinë i qetë, me përkujdesje mjekësore më të mirë se bashkëmoshatarët e tij në Ish-Jugoslavi, e kalon jetën pasi Srebrenicën e boshjakëve shumicë e ktheu në pakicë dhe kështu vuri themelet e një Republike Serbe mbi gjakun e boshnjakëve.
E Minic si luftetar i tij, thuhet se ka vdekur për herë të dytë gjatë ekstradimit nga Argjentina. Herën e parë kishte “vdekur” në Bosne pasi masakroj boshnjakët e pa mbrojtur!
Kështu, ngjarjet nuk janë të ndara, janë të ndara në kohë dhe vend, por janë një, meqë janë po të njejtit kriminel që vepruan në Bosne dhe Kosovë!
Duke rikujtuar çdo viktimë, uroj që vendi jonë të marr veten dhe që seriozisht të ndjek gjithë ata kriminel lufte. Minic është njëri nga ta; e shokët e tij jetojnë të lirë akoma dhe të gjallë me “letra”.
