Botuesi dhe humanisti Ramiz TAFILAJ – drejtor i “Jalifat Publishing” në Houston-Texas, SHBA, biznesmen humanist për arsimin, kulturën, letërsinë dhe shtypin sot është vlerësuar nga Këshilli Bashkiak i Pukës me titullin/dekorata e lartë “Qytetar nderi” i Pukës.
Kryetari i Bashkisë Pukë z.Gjon GJONAJ në një ceremoni zyrtare në bashkinë i dhuroi dekoratën e lartë “Qytetar Nderi” botuesit të humanistit Ramiz TAFILAJ për veprimtarinë e tij.
Kryebashkiaku Gjonaj priti shqiptaro-amerikanin Ramiz Tafilaj, kontributi i të cilit është në përmasa globale jo vetëm si themelues dhe drejtues i një kompanie botërore, por dhe si kontribues i çeshtjes kombëtare dhe financues i shkollimit të mbi 100 studentëve nga Shqipëria dhe Kosova në Shtetet e Bashkuara të Amerikes.
Për gjithë kontributin e tij z.Tafilaj u nderua me titullin “Qytetar Nderi” i bashkisë Pukë.
Gjatë vizitës në Pukë, z.Tafilaj shoqërohej nga disa akademik të Kosovës.
Humanisti i shquar Tafilaj dhe kryebashkiaku Gjonaj u ndalen gjatë tek bashkëpunimi në të ardhmen, i cili fillimisht do të përqendrohet tek financimi i studimeve në SHBA të maturantëve ekselent, si dhe në disa fusha të tjera me rendësi për të ardhmen e Pukës.
