Policia e Kosovës ka arrestuar dje në Prishtinë një person që ishte në kërkim për vrasjen e ndodhur më 6 shtator 2025 në fshatin Llapashticë e Epërme të Podujevës.
Sipas njoftimit të Policisë, operacioni është realizuar nga zyrtarët e Stacionit Policor Veriu të Drejtorisë së Policisë së Kryeqytetit, të cilët kanë lokalizuar dhe ndaluar personin e dyshuar.
I arrestuari është Arbër Havolli, mashkull 31-vjeçar, shtetas i Republikës së Kosovës, i cili ishte shpallur në kërkim për përfshirje në veprën penale të vrasjes.
Në raportin 24 orësh, policia ka dhënë detaje shtesë.
Gjatë arrestimit tek i dyshuari janë konfiskuar një armë zjarri dhe një thikë. I njëjti është dërguar në mbajtje.
“VRASJE E RËNDË
Podujevë 06.09.2025-19:36. Lidhur me rastin, me 23.10.2025 është arrestuar i dyshuari mashkull kosovar tek i cili gjatë kontrollit janë gjetur dhe konfiskuar një armë zjarri dhe një thikë. Me vendim të prokurorit, i njëjti pas intervistimit dërgohet në mbajtje”, thuhet në njoftimin e Policisë së Kosovë.
