Një aksident i shumëfishtë ka ndodhur në rrugën nga “Liqeni i Thatë” që të çon në zonën e TEG-ut. 31-vjeçari Imer Krrashi në tentativë për t’u arratisur Forcave Shqiponja, ka përplasur shtatë automjete dhe një motomjet.
Gazetarja e ABC News, Bleona Sari raporton se për pasojë kanë mbetur të plagosur dy personat që ndodheshin në motomjet, një polic i cili ndodhej jashtë detyrës dhe bashkëshortja e tij.
31-vjeçarit në automjet iu gjet edhe një armë zjarri, e me sa duket kjo ka qenë arsyeja e arratisjes së tij, për t’i shpëtuar kontrollit të Forcave Shqiponja.
