Janë arrestuar tre burra dhe një grua në Vushtrri, pasi të njëjtit në shtëpinë e viktimës mashkull, kanë shtënë me armë zjarri dhe kanë tentuar t’i vëjnë zjarrin një kamioni.
“Të dyshuarit gjatë arrestimit kanë tentuar t’i sulmojnë me një shishe me materie ndezëse zyrtarët policor. Gjatë kontrollimit janë gjetur dhe konfiskuar dy pistoleta (njëra me gaz), 13 fishek, 11 gëzhoja, një granatë shokuese dhe disa shishe të mbushura me materie ndezëse.”, thuhet në njoftimin 24 orësh të Policisë së Kosovës.
Me vendim të prokurorit, tre nga të dyshuarit janë dërguar në mbajtje, ndërsa e dyshuara femër është liruar në procedurë të rregullt.
