Janë arrestuar dy shqiptarë në Holandë të dyshuar për vrasjen e një shqiptari 46-vjeçar në Gjermani. Vrasja ka ndodhur katër vjet më parë në Kleinstadt Visselhovede.
Autoritetet gjermane me ndihmën e atyre holandeze kanë arrestuar dy persona në Amsterdam dhe Rotterdam në lidhje me këtë vrasje, raporton tabloidi gjerman Bild.
Në të vërtetë dy të akuzuarit për vrasje janë po ashtu shqiptarë. Një shqiptar 34-vjeçar akuzohet se më 9 janar të vitit 2017 ka qëlluar për vdekje viktimën, ka njoftuar Prokuroria në Rotenburg të Gjermanisë. Një shqiptar 30-vjeçar raportohet se ka bërë planifikimin e kësaj vrasje.
Arrestimet e tyre në Amsterdam dhe Rotterdam erdhën vetëm dy ditë pasi Policia duke kërkuar në vendin e ngjarjes kanë gjetur armën e mundshme të krimit.
Kjo vrasje kishte bërë bujë atëbotë. 46-vjeçari në vitin 2017 ishte qëlluar në Visselhovede nga dy atentatorët që ishin në motoçikletë.
Ndaj 46-vjeçarit ishin shtënë 12 plumba. Në vitin 2018 ishte arrestuar një shqiptar 23-veçar dhe mori burgim të përjetshëm. Ai ishte drejtuesi i motoçikletës. Si motiv i mundshëm ishte llogaritur atëbotë hakmarrja
