Policia e Kosovës në Istog, është njoftuar sot se te një pikë karburanti në Istog, ka ndodhur një vjedhje, me ç’rast disa persona të panjohur janë futur në mënyrë të dhunshme nga dritarja e banjos dhe kanë depërtuar në brendi të objektit për të vjedhur para të thata.
Njësitet relevante të policisë menjëherë kanë shkuar në vendin e ngjarjes duke bërë sigurimin e tij dhe mbledhjen e dëshmive.
Pas një pune operativo-hetimore nga Njësitit i hetimeve është arritur të bëhej identifikimi përkatësisht arrestimi i personave të dyshuar: B.R., (1999) dhe L.SH., (2000).
Të dyshuarit pas intervistimit nga hetuesit, kanë pranuar veprën e kryer, ndërsa të hollat e vjedhura iu kanë kthyer pronarit.
Ata me urdhër të prokurorit të shtetit dërgohen në mbajtje 48- orë. Rasti cilësohet “ Vjedhje e rëndë’/Indeksonline/
