Pas kësaj bisede, Vuçiq bëri të ditur se asgjë nuk mund të shkatërrojë miqësinë në mes Serbisë dhe Rusisë dhe se marrëdhëniet mes dy vendeve janë të qëndrueshme dhe në rritje.
Ai poashtu theksoi se Serbia synon të zhvillojë më tej marrëdhëniet strategjike me Rusinë duke deklaruar se mundësitë për bashkëpunim ekonomik janë shumë më të mëdha se ato të përdorura.
Duke diskutuar mbi situatën rajonale, Vuçiq ka falënderuar presidentin rus, Putin për mbështetjen e tij të palëkundur personale për integrimin territorial të Serbisë.
“Si dhe për mbështetjen aktive të shtetit rus për çështjen e Kosovës. Rusia i kupton përpjekjet tona për të siguruar paqen dhe stabilitetin në rajon dhe gatishmërinë e Serbisë për dialog dhe kompromis si mënyrë e vetme për të zgjidhur çështjet e hapura”, tha ai.
