Gazetari Baton Haxhiu duke komentuar fitoren e VV në zgjedhjet e 14 shkurtit, është deklaruar edhe për ndikimin që Albin Kurti ka në Shqipëri, shkruan Reporteri.net.
Lidhur me këtë çështje, Haxhiu tha se në Shqipëri nuk ka një fuqi politike të Albin Kurtit. Tutje ai theksoi se Kurti është produkt i Edi Ramës.
“Problemi në Shqipëri është që i mungon një hapësirë politike për një gjeneratë, e cila nuk është përfaqësuar dhe nuk është pak, është diku tek 34%. Ende nuk ka një lider të gatshëm të marr përsipër udhëheqjen e atij kontingjenti votash. Unë besoj më shumë ka një ambicje për të ndërtuar fuqinë e pafuqishme të Kurtit në Shqipëri, për arsye se i duhet një pjese të elitës politike, se sa është e vërtetë që ka një fuqi të Albin Kurtit në Shqipëri. Albin Kurti në Shqipëri është produkt i Edi Ramës. Në një moment historik te konfliktit me Thaçin, ai ja shtrin dorën Kurtit”, u shpreh Haxhiu në emisionin Opinion.
