Katër persona janë lënduar si pasojë e një aksidenti mes dy veturave në qendër të Istogut, .
Lajmin e ka konfirmuar zëdhënësi i Policisë në Pejë, Fadil Gashi, i cili ka bërë të ditur se të lënduarit janë dërguar për trajtim në Spitalin Rajonal.
“Para pak çastesh në qendër të qytetit në Istog, ka ndodhur një aksident trafiku mes 2 veturave. Katër persona kanë pësuar lëndime, janë dërguar në Emergjencën e Spitalit Rajonal të Pejës. Nuk janë në rrezik për jetë”, tha Gashi për Sinjalin.
