Agim Bahtiri i bleu 30 mijë kondomë në kohë pandemie

Qendra Kryesore e Mjekësisë Familjare e cila është nën menaxhimin e Komunës së udhëhequr nga Agim Bahtiri i Lëvizjes Vetëvendosje, pati paguar 15 mijë euro për 30 mijë kondomë.

Kjo ndodhi në kohë pandemie, atëherë kur të gjitha mjetet e komunave të tjera ishin koncentruar në blerjen e mjeteve të nevojshme për luftimin e COVID-19, shkruan Reporteri.net.

Lexo më shumë

Pse Albin Kurti dhe VV-ja ende i mbanë “sekret” kandidatët për deputetë

November 25, 2024

Brnabiq e shan më nënë deputetin serb në seancë të Kuvendit – Video

November 25, 2024

E lidhur me këtë ka reaguar Komuna e Mitrovicës.

Drejtoresha e Shëndetësisë, Erseka Hasanaj Barani, ka thënë se blerja e këtyre kondomëve ishte një gabim teknik, prandaj kryetari Bahtiri ka thënë që të kthehen dhe të mos paguhen.

“Kryetari menjëherë ka themeluar një komision dhe ka kthyer të gjithë artikullin tek OE dhe është bërë minusimi i asaj asaj shume, menjëherë pas pranimit të faturës. Pra, nuk është bërë asnjë pagesë e asaj fature deri më sot dhe nuk do të kryhet asnjë pagesë për atë artikull pasi që është kthyer.”, ka thënë ajo.

Raportimin lidhur me këtë rast Hasanaj Barani e ka vlerësuar si dezinformatë keqdashëse e cila i shqetëson qytetarët.

Ky është reagimi i saj i plotë:

SQARIM LIDHUR ME FURNIZIMET MJEKËSORE NË QKMF

Pas kërkesës nga njësia kërkuese e barnatores qendrore dhe menaxherit të kontratës për funizim me medikamente për trajtim parenteral/ampular dhe orale, si dhe material tjetër medicial i nevojshëm për funskionimin dhe ofrimin e shërbimeve ndaj pacientëve në QKMF, hyjnë edhe shërbimet parandaluese si planifikimi familjar. Për shkak të një planifikimi më afatgjatë në bazë të situatës epidemiologjike të krijuar nga virusi COVID-19, ka ardhur edhe kërkesa nga QKMF për material të nevojshëm për institucionin bazuar nga kërkesat e qytetarëve. Pas furnizimit nga OE me medikamente dhe material shpenzues, është vërejtur një lëshim teknik tek artikulli (prezervativ).

Kryetari i Komunës së Mitrovicës dhe Drejtoria për Shëndetësi ka marr masa të menjëhershme dhe ka anuluar sasinë e porositur nga njësia kërkuese, konkretisht e artikullit (prezervativ). Kryetari menjëherë ka themeluar një komision dhe ka kthyer të gjithë artikullin tek OE dhe është bërë minusimi i asaj asaj shume, menjëherë pas pranimit të faturës. Pra, nuk është bërë asnjë pagesë e asaj fature deri më sot dhe nuk do të kryhet asnjë pagesë për atë artikull pasi që është kthyer.

Përndryshe, për informimin tuaj, parandalimi i shtatzanive të padëshiruara, parandalimi i aborteve, parandalimi i sëmundjeve seksuale transmisive dhe shëndeti riprodhues i gruas, janë dhe mbeten prioritet i Strategjisë Sektoriale të Shëndetësisë së Qeverisë së Republikës së Kosovës. Njëkohësisht, shëndeti i gruas është një nga objektivat kryesore të Drejtorisë për Shëndetësi. Ku në vazhdën e anagazhimeve ka qenë sjellja e aparaturës së Mamografisë, nënshkrimi i marrëveshjes për lansimin e programit të skriningut të kancerit të qafës së mitrës, e shumë aktivitete të tjera edukative për shëndetin e gruas në përgjithësi.

Dezinformata të tilla keqadashëse, shqetësojnë qytetarët dhe janë tendencioze, andaj kush do që do përgjigje dhe fakte rreth kësaj dezinformate, i ftoj të ndjekin procedurat zyrtare dhe të marrin informatat e duhura nga institucionet përgjegjëse e jo të dalin me informata të tilla pa hulumtime paraprake.