Gjykata e Fierit ka dënuar me 25 vjet burg një 67-vjeçari për veprën penale “Marrëdhënie seksuale ose homoseksuale me të mitur”.
Nga hetimet e Prokurorisë është provuar se ai, duke përfituar nga gjendja ekonomike e familjes së të miturës dhe nga njohjet që ato kishin, e ka ftuar në banesë të miturën dhe mandej ka përfituar nga gjendja e saj duke kryer marrëdhënie seksuale me të.
Në kuadër të këtij procedimi i pandehuri është arrestuar në flagrancë më datë 12.01.2023.
“Pas përfundimit të hetimeve, Prokuroria pranë Gjykatës së Shkallës së Parë të Juridiksionit të Përgjithshëm Fier ka dërguar për gjykim të pandehurin Xhevair Veizi për veprën penale “Marrëdhënie seksuale ose homoseksuale me të mitur”.
“Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për hetimin e shpejtë dhe vënien para përgjegjësisë ligjore të personave që kryejnë vepra penale që cenojnë apo dëmtojnë mirëqenien dhe zhvillimin normal të të miturve”, thuhet në njoftim./Euronews.al
