Kryetari i Lidhjes Demokratike të Kosovës, Lumir Abdixhiku, ka deklaruar se në dialogun Kosovë-Serbi ata kanë strategjinë e tyre të qartë se çfarë duhet të arrihet mirëpo nuk do të marrin pjesë në dialog ngase janë në opozitë.
Sipas tyre, pikëpamja e LDK-së është që shteti i Kosovës nuk duhet të bëjë kompromise të cilat e defunksionalizojnë shtetin.
“Kosova të jetë palë sepse prej vitit 2013 ka marr kahje që Kosova duhet të japë diçka në dialog për të bërë palë e dialogut. Kosova të respektojë vendimin e GJND-së dhe për këtë nuk kam dyshime tek spektri politik i vendit. E treta është që të ketë konfirmim të plotë të Qeverisë që çështjet e organizimit territorial nuk do të trajtohen në dialog. Karakteri unitar dhe fryma Kushtetuese të mos rëndohet sa të bëhet Kosova jofunksionale sepse nuk i duhet Kosovës ulësja në Organizatën e Kombeve të Bashkuara nëse bëhemi shtet jOfunksional. LDK-ja nuk do të merr pjesë në dialog”, ka thënë ai.
