Ilir Deda i Alternativës e Dardan Sejdiu deputet i PSD-së, u takuan sot në një nga kafiteritë e Prishtinës. Ky takim po ndodh në kohën kur Deda nuk i ka bash mirë punët me partinë e tij, derisa së fundmi ka bërë edhe disa shkrime që reflektojnë prishjen e marrëdhenieve mes tij e Mimoza Kusarit, raporton Gazeta Express.
Lidhur më këtë çështje, Expess ka kontaktuar Dardan Sejdiun e PSD-së, derisa, deputeti Sejdiu po thotë se sot kanë biseduar për zgjedhjet, mirëpo, jo për diçka tjetër si ndonjë aderim apo bashkëpunim i mundshëm.
Muhabeti sot zgjedhorë ka qenë. S’kemi bë kësi muhabeti për seancë qysh kanë me shku zgjedhjet vetëm për këtë”, ka thënë Sejdiu.
Takimi i të dyve erdhi pak pasi që PSD nënshkroi koalicion me AAK-në e Ramush Haradinajt e një ditë para seancës ku do të votohet për shpërndarje të Kuvendit.
Kujtojmë që Ilir Deda sot ka shkruar se nuk do të pranojë që të shkojë në Vetëvendosje me Mimoza Kusari-Lilën, që së bashku me të, të dy janë themelues të partisë Alternativa.
