Në një lidhje direkte për “Ditë e Re” në Rtv Ora meteorologu Hakil Osmani nga MeteoAlb ka folur për ndryshimet e motit që do të na shoqërojnë gjatë kësaj jave.
Meteorologu është shprehur se na presin rreshje shiu me intesitet të lartë në të gjithë territorin shqiptar. Në fundjavë pritet që disa qytete të përballen me përmbytje pasi rreshjet do të jenë me dendësi të lartë.
“Pritet që gjatë ditës së sotme të kemi prezencë të rreshjeve të shiut. Rreshje të cilat do të jenë të konsiderueshem edhe gjatë ditës së shtunë. Ndërsa, mesdita dhe pasditja e ditës së shtunë do të shohim një përmirësim të motit duke bërë që rreshjet e shiut mos jenë në vend por herë pas here do të kemi rreshje të karakterit lokal gjatë pjesës së dytë të shtunës dhe pjesës së parë të ditës së dielë”
“Mbrëmja e ditës së dielë do të rikthehen sërisht vranësirat e dendura dhe rreshjet e shiut në vend të cilat do të jenë mesatare dhe lokalisht intesive edhe gjatë mëngjesit të ditës së hënë.
Të dukshme rreshjet e shiut mbeten në zonat veriperëndimore dhe qëndrore, sigurisht edhe zonat juglindore do të kenë rreshje të konsiderueshme shiu.”
“Ekziston rreziku për përmbytje pasi rreshjet do të jenë herë pas here me intesitet të lartë dhe rrezikohet të kemi përmbytje në vend. Zonat të cilat janë më të rrezikuara janë qyteti i Shkodrës, Lezha, Bajram Curri, Tirana, Gjirokastra.”