Sonte Mallorca e Vedat Muriqit do të përballet me një sfidë të vështirë në gjysmëfinalen e Superkupës së Spanjës, ku do të luajë kundër Real Madridit.
Ndeshja do të zhvillohet në stadiumin “King Abdullah Sports City” në Arabinë Saudite dhe do të nisë në orën 20:00.
Adhuruesit e futbollit janë në pritje të një mundësie emocionuese për një “El Clasico” në finale, pasi Barcelona tashmë ka siguruar vendin e saj duke mposhtur Athletic Bilbaon me rezultat 0:2.
Tani mbetet të shihet nëse Real Madridi do të arrijë të triumfojë kundër Mallorcës dhe të kompletojë këtë duel të shumëpritur në finalen e Superkupës së Spanjës.
