Prokuroria Themelore në Prishtinë ka ngrituar aktakuzë ndaj Faton Klinkut – ushtruesi i detyrës së kryetarit të OVL-UÇK-së, për dhunë në familje, saktësisht ndaj bashkëshortes së tij dhe vajzës së tyre të mitur.
Paparaci ka siguruar vendimin për aktakuzë ndaj Klinakut, i cili më datë 30 gusht 2022, ka ushtuar dhunë ndaj gruas dhe vajzës duke qenë nën ndikim të alkoolit.
Rastin në Policinë e Kosovës mbrëmjen e 30 gushtit 2022 e kanë raportuar dy viktimat të cilat kanë akuzuar Klinakun për ushtrim të dhunës psikike e fizike ndaj tyre.
Bashkëshortja e Klinakut në polici po ashtu ka deklaruar se ai është i rreptë dhe temperament, duke treguar se është përdorues i rregullt i alkoolit.
Klinaku atë natë nuk ka qenë në gjendje të jep deklaratë në polici pasi të njëjtit pasi që i është bërë matja e alkoolit me alkool test ka rezultuar se ka qenë nën ndikim të alkoolit me 1.72 promil. I njëjti nuk është deklaruar në polici, prokurori e në gjykatë as më datë 24 shkurt 2023.
Siç theksohet në vendim e aktakuzës të siguruar “Klinaku derisa ka qenë duke u kthyer me veturën e tij, së bashku me bashkëshorten e tij dhe vajzën e të cilat kishin qenë në një ndejë familjare, I njëjti duke qenë nën ndikim të alkoolit, ku pas matjes në polici ka rezultuar 1.72 promil, fillimisht ka ushtuar dhunë psikike ndaj tyre duke iu bërtitur me ton të lartë e duke i ofenduar me fjalë të ndryshme”.
“Me të arritur tek banesat e veteranëve, dhe derisat të dëmtuarat ishin ndaluar në një market për gjëra ushqimore dhe me tu kthyer në hyrje të ndërtesës të shoqëruara nga në punëtor i ri i marketit për shkak se ishte ndalur rryma dhe frikës nga qentë endacak, dhe në atë moment posa i pandehuri i ka vërejt të dëmtuarat në shoqërim të punëtorit, i njëjti në shenjë revolte me dashje dhe me cënim të dinjitetit të së dëmtuarës, bashkëshortes së tij. G.K. në hyrjen e ndërtesës ku banojnë dhe atë në koridorin e ndërtesës, ushtron dhunë fizike ndaj bashkëshortes duke e godit me grushte dhe shuplaka në fytyrë.
“Me këtë rast të dëmtuarës G.K. i shkakton lëndime të lehta trupore të cilat paraqiten në formë ndrydhje të indeve të buta në regjionin e majtë të fytyrës të shkaktuara nga veprimi mekanik I mjetit të forte mbretës (jo, i mprehtë) ku si të tilla kualifiohen si lëndime të lehta trupore me pasoja të përkohshme në shëndet”.
“Me datë, kohë dhe vend të njëjtë, I pandehuri Faton Klinaku me dashje dhe me qëllim të cënimit të dinjitetit të vajzës së tij të mitur, e cila kishte ndërhyrë për ta ndal sumin e të pandehurit ndaj nënës së saj, i njëjti ushtron dhunë psikike dhe fizike ndaj vajzës së tij duke i bërtitur dhe duke e goditur me shuplaka në fytyre, me çrast tek e njëjta ka shkaktuar shqetësim të madh emocional, ankth, frikë dhe pasiguri për jetën e saj”, theksohet në vendim.
Prokuroria Themelore në Prishtinë i ka propozuar gjykatës që të pandehurin Faton Klinaku, ta shpallë fajtor për veprat penale për të cilat akuzohet në bazë të kësaj aktakuze dhe ta dënojë sipas ligjit.
Po ashtu, prokuroria mbi këtë bazë ka konsideruar se aktakuza ndaj Klinakut është e drejtë dhe e bazuar në ligj.
