Një trup i pajetë i S.N., 53-vjeçar me nacionalitet serb, është gjetur dje pranë lumit Ibër në veri të Mitrovicës.
I ndjeri ishte raportuar mbrëmjen e së shtunës në polici si i zhdukur.
Siç kishte njoftuar PK-ja me anë të raportit 24 orësh, një person ka bërë të ditur se vëllai i tij ishte larguar nga shtëpia të premten dhe se nuk dihej asgjë për të.
Trupi i pajetë i këtij personi u gjet sot jo shumë larg shtëpisë ku ka jetuar.
Një gjë të tillë e bëri të ditur për media Veton Elshani, zëvendëskomandant i PK-së për rajonin e veriut.
Shoqata e Kosovës për Kërkim dhe Shpëtim kanë publikuar pamje të trupit të pajetë, të cilët thonë se pas tërheqjes tashmë i ndjeri është dërguar për obduksion në Prishtinë.
“Gjendet trupi S.N i lindur me 1970 pa shenja jete pran lumit Iber ne Mitrovic ne aksion ishin ekipet e shoqates se kerkim dhe shpetimit te pjeses veriore Policia e kosoves dhe Zjarrfikesit pas terheqjes se trupit te pajet kufoma eshte derguar per ne obdukcjon ne Prishtine”, thuhet në njoftimin e tyre.
Kujdes, pamjet mund të jenë shqetësues:
