Ish-Sekretari i Përgjithshëm i NATO-s, Andres Fogh Rasmussen, ka thënë se duhet të pengohet që konflikti në mes të Izraelit dhe Hamasit të kalojë në një luftë më të madhe.
“Tani vlerësohet se më shumë se 900 civilë izraelitë janë vrarë nga sulmet barbare të Hamasit këtë fundjavë. Fotografitë e burrave, grave dhe fëmijëve të vrarë janë tmerruese”, shkruan Rasmussen.
“Bashkësia e demokracive duhet t’i japë mbështetje të plotë Izraelit dhe të drejtës së tij për vetëmbrojtje, në mënyrë që të mund ta prishë infrastrukturën e terrorizmit”.
Nëse lufta nuk ndalet, sipas tij përfitues më të mëdhenj do të ishin Rusia dhe Irani.
“Duhet pasur parasysh jetën e civilëve palestinezë dhe shmangien e një esklalimi në një luftë më të madhe nga e cila do të përfitonin vetëm regjimet e Moskës dhe Tehranit”.
