Avokati i Kosovës, Kujtim Kerveshi, të mërkurën, më 19 tetor, ka bërë publik lajmin për dy kallxime të reja për krime lufte në qytetin e Pejës, krime këto të kryera nga forcat e ushtrisë serbe në Kosovë gjatë luftës së viteve 1998-1999. Ndërsa të enjten avokati Kujtim Kerveshi, bën të ditur në profilin e tij në facebook, se me ekipin e tij janë duke përfunduar një ndjekje penale për një krim lufte në Pejë ku i dëmtuari është viktima me të cilën avokati Kerveshi, me gjasë ka qenë i lidhur në fëmijërinë e tij. Duket se nga përshkrimi bëhet fjalë për një nga familjarët e tij. Puna në terren në Pejë për këtë shoqatë të avokatëve nuk ka të ndalur, pasi për tre rastet e publikuara Telegramisot mëson se janë duke përgatitur edhe lëndë tjera.
Ky është postimi i plotë i tij:
Sot jemi në Pejë me një pjesë e ekipit, ndër të tjerash, për të punuar e përmbyllyr këtë javë një temë që i afrohet dhimbjes personale.
Isha sot në vendet ku me atë person që e kam dashur shumë i ndaja kujtimet më të mira të fëmirisë. I vizitova gjitha ato vende për ta kthyer memorjen te ai.
Avokati, Kujtim Kërveshi i dorëzon edhe dy kallëzimeve penale për krime lufte në qytetin e Pejës
Po e ndaj këtë këngë, zanorja e filmit “Udha e Shkronjave” e kthyer në super këngë nga Bojken Lako, e kjo zanore ma kujton atë, që e deshi shumë Shqipërinë, me atë që këtë film shqiptar e shikova si fëmijë e që edhe sot i mbaj në mend rrëfimet e tij për Shqipërinë që idealizonte ai. Një Shqipëri më e mirë se sa ishte ne realitet.
“Udha e shkronjave” është motivi për ne sot, që udha jonë në Pejë këtë herë të jet dritë dhimbjes së tij të vitit 1999.
And, “the show must go on”
