Ish-deputeti i Kosovës, biznesmeni dhe humanisti Gani Dreshaj, ka postuar një videomesazh duke korrur grurin. Me këtë postim, Dreshaj u ka bërë thirrje furrtarëve që të dëgjojnë hallet e popullit dhe të mos e rrisin çmimin e bukës.
Ky është postimi i plotë i Dreshajt:
“Me bereqet e me këmbë të mbarë kemi nisur korrjeshirjet në tokat tona.
Moti i favorshëm dhe puna e djemve tanë ka bërë që të ketë prodhim të mirë.
Uroj që së bashku me punë e nder ta kalojmë këtë vit të krizës ekonomike.
Lus mullistët, furrtarët, gastronomët që mos të përfitojnë në kurriz të popullit dhe situatës.
Mos të shtrenjtohen çmimet pa arsye, mos të rritet çmimi i bukës në kohën kur çmimi i grurit po lirohet. G.D”
Gani Dreshaj, kishte arritur që të bëhej deputet në zgjedhjet e vitit 2017-të. Poashtu Dreshaj ishte kandidat për kryetar të Komunës së Istogut, i cili për herë të parë kishte arritur që LDK-në ta qonte në balotazh, në bastionin e saj kryesor.
Edhe kësaj here biznismeni istogas i ka hyrë garës për deputet në kuadër të koalicionit AAK-PSD me kandidat për kryeministër Ramush Haradinaj.
Dreshaj njihet si politikan human i cili ka ndihmuar jashtëzakonisht shumë qytetarët në nevoj e poashtu edhe klubet sportive.
