Ushtria e Kosovës e krijuar së fundi është krenaria e Republikës, dhe si e tillë ka një rol shumë të rëndësishëm për mbrojtjen e çdo cepi të vendit.
Pjesëtarët e FSK-së gëzojnë mbrojtje të veçantë ligjore, ashtu që jeta, figura dhe dinjitetit i pjesëtarit dhe familjes janë të paprekshme.
Detyrat e përgjithshme të ushtrisë së Kosovës janë: Mbrojtja e integritetit territorial të Republikës së Kosovës, Mbrojtja e qytetarëve dhe komuniteteve të Republikës së Kosovës, Mbështetja ushtarake autoriteteve civile si dhe pjesëmarrja në operacionet ndërkombëtare.
Armatimet që ka të drejtë t’i zotërojë do të jenë të gjitha armatimet që janë anti blind duke përfshirë edhe topat deri në 105 mm, ndërkaq do të ketë qasje të plotë në gjitha llojet e armëve kundërajrore.
Ministria e Mbrojtjes, ka kompetencë mbikëqyrjen dhe menaxhimin e të gjitha veprimtarive të inteligjencës dhe informacioneve të klasifikuara në fushën e mbrojtjes dhe sigurisë.
