Komuna e Obiliqit ka përfituar 100 mijë euro nga Qeveria. Lajmin e ka bërë të ditur kryetari i Obiliqit, Xhafer Gashi.
Ky është postimi i plotë i Gashit:
Me Ministrin e Ministrisë së Administrimit dhe Pushtetit Lokal, z.Elbert Krasniqi, kam nënshkruar sot marrëveshjen sipas së cilës Komuna e Obiliqit përfiton 100,000.00 mijë euro grant nga thirrja për aplikim “Programi komunal për zhvillim të infrastrukturës socio-ekonomike dhe bashkëpunim ndërkomunal i quajtur si program IIK- CIF (Instrumenti i investimeve kapitale- 2)”
Mjetet e përfituara nga kjo thirrje janë të destinuara në realizimin e projektit “ Rehabilitimi i infrastrukturës fizike të komunitetit Rom, Ashkali, Egjiptian në Plemetin.” Ky projekt do t’i shërbejë zhvillimit të infrastrukturës së përgjithshme të komunës sonë, e veçanërisht pjesës së banuar nga komunitetet.
