Prokuroria Themelore e Pejës ka njoftuar se ka hapur një rast lidhur me gjuajtjen me armë në një mbledhi në Deçan.
“Pas publikimit të shkrimit me datën 11 gusht nga portali online “Sinjali.com” me titullin “Me ‘kallash’ dhe sharkia, ja sesi në Deçan festoi Qeveria”, dhe pas analizimit të video-incizimeve të këtij artikulli, është hapur rast në ketë prokurori” thuhet në njoftimin e prokurorisë.
Gjithashtu u bë e ditur se prokuroria në fjalë ka autorizuar Policinë e Kosovës që t’i ndërmarrë të gjitha veprimet e nevojshme hetimore për identifikimin e kryerësve të mundshëm në drejtim të veprës penale “Përdorimi i armës apo mjetit të rrezikshëm” nga neni 367 të Kodit Penal të Republikës së Kosovës.
