Kosova si e renditur pothuajse e fundit për nga cilësia e arsimit përbënë një shqetësim të madh në Kosovë, e që po bëhet edhe shumë problematike në mesin tonë.
Se kemi cilësi të dobët të arsimit në Kosovë nuk e thonë vetëm ndërkombëtarët, por ky problem shtrohet edhe nga njohës dhe profesionistë të shumtë e sidomos të kësaj sfere në Kosovë.
E një ndër ta është edhe Adriatik Kelmendi, ligjërues në Kolegjin AAB në Prishtinë, i cili në llogarinë Facebook shkroi një status, ku tregoi se si ai ka testuar 30 studentë të tij, duke iu thënë që të shkruajnë 7 ditët e javës, ndërsa asnjëri nga ata nuk ka arritur të bëj këtë pa gabime.
“Pra, sot një grupi prej rreth 30 studentëve iu thashë që të shkruajnë 7 ditët e javës dhe asnjëri – ama asnjëri! – nuk u habit dhe t’i shkruajë si duhet.
7 ditët e javës që i shohim çdo ditë të shkruara gjithandej dhe – gabim.
Secili deri tash i kishte kryer me sukses (!) nga 13 klasë shkollim!”, ka shkruar Kelmendi.
Për këtë kanë raportuar mediat në Kosovë ku lajmi bëri bujë të madhe. Menjëherë pas këtyre raportimeve, Adriatik Kelmendi është detyruar t’i tërheqë fjalët duke e fshirë postimin nga Facebooku.
Kush e detyroi Adriatik Kelmendin ta fshijë shkrimin që i doli pikërisht për vendin e tij ku punon kolegjin AAB?
Kjo është një dëshmi se cilësia e arsimit është nën çdo nivel përderisa vetë profesorët raportojnë për studentët e tyre që ata nuk dinë t’i shkruajnë as ditët e javës pa gabime.
Një gjë e tillë kishte ndodhur me studentë e AAB’së, edhe më herët me gabime të tilla, shkruan Kosova.info.
Çfarë ka dallim AAB e licencuara nga kolegjet tjera të pa licencuara?
Kjo dukshëm dhe qartë shihet se këtu ka ndikim politika dhe fiton i forti.
Kjo është dëshmuar edhe me përjashtimin e Kosovës nga Asociacioni Evropian për Sigurimin e Cilësisë në Arsimin e Lartë (ENQA), sipas një letre që kishin siguruar mediat më parë, ENQA kishte konstatuar se Agjencia Kosovare e Akreditimit nuk i përmbush rregullat Evropiane për të qenë pjesë e Asociacionit.
Pas shkarkimit arbitrar të bordit të aKA’së në vitin 2008 në ENQA iu ndryshuar statusi nga anëtarë me të drejtë të plotë me anëtarë që do t’i shqyrtohej pjesëmarrja.
Nga një bord i politizuar skajshmërisht pësuan shumë kolegje universitare të cilat i plotësuan kushtet dhe standardet sipas të gjitha kritereve por Agjencia Kosovare e Akreditimit e cila mori vendim të njëanshëm dhe politik la shumë kolegje universitare të pa akredituara për këtë vit.
Por AAB doli të ishte më e forta kurse ato shtetërore mbetën nën hijen e saj, u eklipsuan nga AAB. Telegramisot.com
