Asamblistja e Aleancës për Ardhmërinë e Kosovës në Kuvendin Komunal të Prishtinës, Arbnora Ajeti i është bashkuar sot Grupit Parlamentar të Partisë Demokratike të Kosovës. Prezantimin e saj në PDK e ka bërë kryetari i Degës së PDK-së në Prishtinë, Uran Ismaili.
“Së bashku me shefin e Grupit të Asamblistëve të PDK-së në Komunën e Prishtinës, Leutrim Retkoceri, sot i uruam mirëseardhje në mesin tonë, asamblistes së AAK-së, Arbnora Ajeti. Me ardhjen e Arbnores, Grupi i asamblistëve të PDK-së do të rritet nga 9-të në 10-të. Të gjithë prej tyre janë të gatshëm, të vendosur e të përgjegjshëm për t’u angazhuar secilën ditë, që ta shtyjmë përpara projektin tonë në shërbim të qytetarëve dhe qytetit”, ka thënë Ismaili.
Ai tha se ‘Prishtina na bashkon’ ka qenë motoja e fushatës së tyre zgjedhore dhe ‘Prishtina na bashkon’ do të jetë edhe motoja e tyre qeverisëse, deri në ndërtimin e një qyteti të gjelbër e digjital.
