Barrikaduesit serbë kanë bërë edhe lëvizjen e kamionëve të fundit të cilët gjendeshin në urën e Ujmanit në Bërnjak.
Megjithatë ata nuk po largohen plotësisht nga aty, por vetëm po i zhvendosin kamionët në një korsi të vetme, duke e lërë njërën të lirë.
Ndërkohë ka filluar implementimi i marrëveshjes dhe pjesëtarët e KFOR-it po vendosen nëpër pika të ndryshme në rrugët që çojnë në Jarinjë dhe Bërnjak.
Ajo që mbetet ende e paqartë është zhvendosja e barrikaduesve dhe Njësisë Speciale të Kosovës.
Nga këta të fundit është thënë se do të largohen nga aty vetëm kur rruga të jetë plotësisht e lirë.
