Deputetja e Partisë Demokratike të Kosovës, Blerta Deliu tha se gjendja në Klinikën Infektive është e rëndë me fluks të lartë të pacientëve dhe infermierët që janë në numër të ulët.
Deliu në “Sytë shtatë”, tha se dështimi me pandeminë erdhi nga hapja e madhe, pa u shikuar fare se a janë duke u implementuar masat, njofton Klankosova.tv.
“Mungojnë kapacitet në Klinkën infektive ku fluksi është i lartë dhe numri i infermierëve është i ulët, shqetësimi kryesor është fyerja që është bërë ndaj infermierëve me 2 euro në ditë. Kemi parasysh se një infermier kujdeset për 30 pacient në baza ditore. Janë 124 pacientë ambulativ që gjendeshin aty, mos të flas për pacientet të tjerë që janë duke ardhur çdo ditë për sëmundje të tjera”.
“Dështimi ndodhi nga mos menaxhimi i mirë nga qeveria që e bëri me pandeminë, kemi pasur hapje të plotë, pa shikuar se a janë duke u implementuar këto masa”.
Tutje Deliu tha se qytetarët ende po kanë problem që të caktojnë terminë që të vaksinohen.
“Ende kemi qytetarë që kërkojnë të vaksinohen, por që nuk po munden të caktojnë terminë, shto këtu edhe dilemat rreth vaksinimit, ku qeveria duhej të organizonte kampanja të vetëdijesimit”.
“Prioritet i kësaj qeverie ka qenë shkarkimi i bordeve dhe emërimi i militantëve të partisë politike që është në pushtet, ndërkohë që virusi dhe gjendja alarmante, pamundësia që të sigurojmë marrëveshje me vaksinat, kemi rastin me Shqipërinë, kur kemi refuzuar përkrahje nga shteti amë për një proces që ka të bëjë me jetën e qytetarëve të Republikës së Kosovës”.
