Ushtria amerikane njoftoi për sulmin e parë hakmarrës në Afganistan që kur një sulm në aeroportin e Kabulit vrau 13 pjesëtarë të shërbimit amerikan dhe deri në 170 persona të tjerë, pasi zyrtarët amerikanë përsëri paralajmëruan qytetarët amerikanët që të largoheshin nga aeroporti për shkak të kërcënimeve të sigurisë.
“Forcat ushtarake të SHBA-së kryen një operacion kundër terrorizmit sot kundër një planifikuesit të ISIS-K “, tha kapiteni Bill Urban, zëdhënës i Komandës Qendrore të SHBA-së, në një deklaratë të shtunën në mëngjes, duke iu referuar të personave tw lidhur ngushtë me Shtetit Islamik në Afganistan, i njohur gjithashtu si Shteti Islamik Khorasan, i cili ka marrë përgjegjësinë për sulmin e së enjtes,
“Sulmi ajror pa pilot ndodhi në provincën Nangarhar të Afganistanit,” tha kapiteni Urban. “Indikacionet fillestare janë se ne e kemi vrarë objektivin. Ne nuk dimë për viktima civile”, raporton The New York Times.
Sulmi në aeroport ishte një nga më vdekjeprurës në gati dy dekada që nga pushtimi i udhëhequr nga SHBA-të. Zyrtarët amerikanë besojnë se “një sulm tjetër terrorist në Kabul ka të ngjarë”, tha sekretari për shtyp i Shtëpisë së Bardhë, Jen Psaki. “Kërcënimi është në vazhdim dhe është aktiv. Trupat tanë janë ende në rrezik”, përcjell Klankosova.tv.
Sulmi ajror amerikan pasoi vërejtjet urrejtëse të Presidentit Biden nga Shtëpia e Bardhë të enjten, kur ai u zotua se do të “gjurmonte dhe t’i vriste” terroristët që morën përsipër bombardimin.
“Për ata që kryen këtë sulm, si dhe për këdo që i dëshiron dëm Amerikës, dijeni këtë: Ne nuk do të falim,” tha Biden, duke përdorur një gjuhë që kishte jehonë të zymtë të paralajmërimeve të bëra nga Presidenti George W. Bush pas sulmeve terroriste e 11 shtatorit 2001
