Zjarret që shpërthyen para disa ditëve në Turqi kanë lënë të lënduar mbi 300 persona dhe kanë detyruar evakuimin shumë fshatrave.
Këto zjarre kanë përfshirë edhe destinacionin e njohur turistik, Antalia.
Një kosovar i cili po pushonte në këtë vend, ka treguar për përjetimet e tij, në momentin që zjarri kishte shpërthyer në afërsi të resortit ku ai po kalonte pushimet.
“Ishte një tmerr. Në fillim nuk e kemi ditë se çka po ndodhë, në orët e mbrëmjes klimat nuk kanë punu rreth 2-3 orë dhe askush nga personeli nuk na ka tregu se çka është duke ndodhë. Të nesërmen kemi dalë në plazh dhe e kemi pa që krejt qielli është i errët. Unë e kam vërejtë një lloj tymi, i pyeta personelin, thanë që është një zjarrin dikun. Ka qenë një lloj panike, për shkak se isha me familje. Gjatë gjithë ditës, kanë ra copa të hirit nëpër plazh, diell ska pasë fare se është mbuluar me tym”, ka thënë ai për ATV.
